У Лагойскім раёне мужчына загінуў, перакуліўшыся на самаробным трактары
Увечары 12 мая ў вёсцы Зарэчча Лагойскага раёна 35-гадовы мясцовы жыхар ехаў па цэнтральнай вуліцы на самаробным трактары. У пэўны момант ён не справіўся з кіраваннем, трактар перакуліўся і прыціснуў гаспадара.
Фота: t.me/logoysk_official
Кіроўца з цялеснымі пашкоджаннямі быў шпіталізаваны, але выратаваць яго лекары не змаглі — каля 0.35 мужчына памёр, паведамляе мясцовы тэлеграм-канал.
Фота: t.me/logoysk_official
У Беларусі эксплуатацыя самаробных транспартных сродкаў на дарогах агульнага карыстання не дазваляецца, бо яны не гарантуюць належную бяспеку, а іх тэхнічны стан не адпавядае патрабаванням правілаў дарожнага руху.
Фота: t.me/logoysk_official
Чытайце таксама:
У Жодзіне сабакі загрызлі гаспадара ў кватэры
У Мінску падлетак на ровары ледзь не трапіў пад тралейбус
У Брэсце на мужчыну абрынуўся мікрааўтобус, які ён выкарыстоўваў у якасці «донара»
