У расійскай Іркуцкай вобласці дэмантавалі манументы ў памяць пра рэпрэсаваных палякаў і літоўцаў
Польскі помнік і літоўскі крыж у памяць пра рэпрэсаваных у 1937 годзе дэмантаваныя ў іркуцкім сяле Піваварыха на месцы масавых пахаванняў перыяду сталінскага тэрору, паведаміла мясцоваму выданню «Тайга» юрыстка і праваабаронца, аўтарка даследавання «Вялікі тэрор» Аксана Труфанава.
Фота: t.me/Tayganews
У свой час гэтыя манументы былі пастаўленыя на грошы звычайных жыхароў, а цяпер яны «нібыта перашкодзілі нейкаму праходу чыноўнікаў», адзначыла Труфанава. Якія менавіта чыноўнікі прынялі рашэнне, пакуль невядома.
Фота: t.me/Tayganews
У 1930-я гады побач з Піваварыхай знаходзілася спецзона НКВД, дзе расстрэльвалі палітвязняў. Даследчыкі ацэньваюць колькасць забітых тут у 15—17 тысяч чалавек.
Масавыя пахаванні знайшлі толькі восенню 1989 года пры садзейнічанні КДБ, пракуратуры і мясцовых навукоўцаў. На гэтым месцы адкрылі мемарыяльны комплекс памяці ахвяр палітычных рэпрэсій «Піваварыха».
Чытайце таксама:
«У Беларусі для палякаў цяпер найгоршае становішча ў свеце» — Канцылярыя прэзідэнта Польшчы
Прапала памятная таблічка з польскіх вайсковых могілак у Варзянах на Астравеччыне
