Знайсці
12.05.2023 / 07:111РусŁacБел

Танкі Abrams Украіна атрымае ў пачатку восені

Міністр абароны ЗША Лойд Осцін заявіў, што Украіна атрымае танкі Abrams у пачатку восені, тады ж павінны завяршыцца і праграмы трэніроўкі ўкраінскіх вайскоўцаў для кіравання імі, піша «Голас Амерыкі».

Міністр абароны Лойд Осцін дае паказанні падчас слуханняў у Камітэце па абароне Сената па бюджэце на 2024 фінансавы год, пададзенаму Міністэрствам абароны 11 мая 2023 года, Вашынгтон. Фота: AP Photo / Jacquelyn Martin

«Мы робім усё магчымае, каб паскорыць пастаўкі гэтых танкаў. Па нашых прагнозах, гэта адбудзецца ў пачатку восені. Тым часам мы перамясцілі некалькі танкаў на трэніровачны палігон, каб украінцы пачалі навучанне. Да таго часу, калі вучэнні завершацца, танкі будуць даступныя для выкарыстання», — заявіў міністр абароны ЗША на слуханнях у Сенаце ў чацвер.

Адказваючы на пытанне сенатара-рэспубліканца Сьюзен Колінз аб тым, ці можна паскорыць пастаўкі 31-га танка Abrams Украіне, шэф Пентагона дадаў, што тэрміны тлумачацца тым, што амерыканскія вайскоўцы не толькі адпраўляюць гэтыя танкі ва Украіну і рыхтуюць украінскіх вайскоўцаў для працы на іх, але і ствараюць інфраструктуру, якая будзе падтрымліваць працу гэтых танкаў, якія ёсць новай тэхнікай для ўкраінцаў.

«Як вам вядома, гэтая тэхніка істотна адрозніваецца, у прыватнасці, за кошт турбіннага рухавіка і іншых досыць складаных сістэм. Але мы стараемся як мага хутчэй перадаць гэтую тэхніку ўкраінцам. У іх, напэўна, будзе ўсё ў наяўнасці да пачатку восені», — сказаў Осцін.

Як паведамляў «Голас Амерыкі», Лойд Осцін заявіў у канцы красавіка, што краіны НАТА і ўдзельнікі кантактнай групы «Рамштайн» даставілі ва Украіну больш за 230 танкаў, больш за 1550 браніраваных машын і іншае абсталяванне і боепрыпасы для падтрымкі больш чым дзевяці новых бранятанкавых брыгад.

Па выніках сустрэчы групы «Рамштайн» Осцін паведаміў, што Злучаныя Штаты неўзабаве ў Германіі пачнуць трэніроўкі ўкраінскіх вайскоўцаў на амерыканскіх танках Abrams.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
0
Ха-ха
1
Ого
0
Сумна
0
Абуральна
1
1
Боьр/адказаць/
12.05.2023
Не можете абрамсы, дайте шерманы, но сейчас
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930