Чатырох чалавек асудзілі да «хатняй хіміі» за ўдзел у маршы 2020 года
Кацярыну Амбражэвіч, Максіма Гуйдо, Яўгена і Аляксандру Кражавых прызналі вінаватымі паводле арт. 342 Крымінальнага кодэкса за ўдзел у адным з Маршаў у 2020 годзе. Усе яны прызналі віну.
Фота ілюстрацыйнае. Фота AP
10 сакавіка ў судзе Савецкага раёна Мінска адразу чатырох людзей асудзілі да 2,5 года абмежавання волі без накіравання ў ПУАТ — «хатняй хіміі» — кожнага, паведамляе «Вясна».
Кацярыну Амбражэвіч, Максіма Гуйдо, Яўгена і Аляксандру Кражавых прызналі вінаватымі паводле арт. 342 Крымінальнага кодэкса за ўдзел у адным з Маршаў у 2020 годзе. Усе яны прызналі віну.
Прысуд агучыла суддзя Вольга Емяльянчанка.
Усе, акрамя Аляксандры, да суда ўтрымліваліся пад вартай. Аляксандра знаходзілася на волі пад закладам у памеры 4800 рублёў. Пасля агучвання прысуду іх вызвалілі ў судовай зале.
Асноўным доказам па справе разглядаўся фотаздымак з Марша.
