Знайсці
10.05.2023 / 17:316РусŁacБел

У воданапорнай вежы ў Сцяпянцы могуць з'явіцца кавярня і каворкінг

У мінскай Сцяпянцы плануюць пабудаваць пяць жылых шматпавярховікаў і рэканструяваць нядзейную воданапорную вежу. Для гэтага гарадскія ўлады знясуць склады і іншыя гаспадарчыя памяшканні, піша агенцтва «Мінск-Навіны».

Згодна з праектам ад гарадскіх праекціроўшчыкаў, новая забудова з'явіцца паміж вуліцай Геалагічнай, школамі №182 і №183, дзіцячым садам №569 і паркам. Для гэтага тут знясуць склады і іншыя гаспадарчыя памяшканні.

На вызваленым участку хочуць пракласці новую вуліцу, узвесці пяць жылых дамоў вышынёй ад 10 да 19 паверхаў, тры двухузроўневыя гаражы-стаянкі, уладкаваць двары з дзіцячымі і спартыўнымі пляцоўкамі, а таксама высадзіць як мага больш дрэў.

У канцэпцыю ад «Мінскпраекта» таксама закладзеная магчымасць захавання неэксплуатаванай на гэты момант воданапорнай вежы (вул. Карвата, 5) і яе далейшая рэканструкцыя.

Праекціроўшчыкі лічаць, што ў вежы можна зрабіць вокны, зашклёнае купальнае перакрыцце (светлавы ліхтар) і арганізаваць там міні-кавярню ды зону каворкінгу з мабільнымі прадметамі мэблі. Лесвіцы, ліфты, прыбіральні можна прадугледзець як у самой вежы, так і ў прыбудаваных дадатковых памяшканнях.

Праўда, інвестара, які быў бы ахвотны ўзяцца за такую рэканструкцыю, пакуль што не знайшлося.

Чытайце таксама:

У Сцяпянцы сёлета пачнуць будаваць тры шматпавярховікі

У Мінску знясуць прыватны сектар у раёне вуліцы Арлоўскай. Што будзе замест яго?

І каля Драздоў, і ў лесе ў Сцяпянцы. Дзе ў Мінску пабудуюць новыя дамы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
10.05.2023
Умный, / usio zruinavali....zastalosja pole ruinavac !
0
Умный/адказаць/
10.05.2023
mikola, да, да, все в землянках без света и электричества.
0
маленькая архітэктарка цемры/адказаць/
11.05.2023
прыкольна, што вежу рашылі захаваць. цікавае рашэнне
шкада, калі не знойдзецца інвестара
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера