У Мінску зачынілася легендарная крама. Яна працавала каля паўстагоддзя і там унутры быў басейн
Крама «Кветкі» каля Батанічнага саду зачынілася, напісаў блогер Koko.by. На акне вісіць аб'ява аб тым, што памяшканне на праспекце Незалежнасці, 80 здаецца ў арэнду.
Фота: Realt.by
Крама «Кветкі» ў «доме з чайкай» каля Батанічнага саду працавала больш за паўстагоддзя, піша Realt.by.
— На першым паверсе дома размясцілася знакамітая крама «Кветкі», якія вырошчваліся ў тым ліку і ў аранжарэях Батанічнага саду, — расказваў пра гэтую краму гісторык Антон Дзянісаў.
А вось што ўспамінала жыхарка дома Валянціна пра кветкавую і іншыя крамы побач з домам:
— Раней на месцы сушы-рэстарана была кулінарыя, далей размяшчалася крама «Сілуэт», дзе прадавалі паліто, але па блаце можна было дастаць, што хочаш. Там, дзе цяпер піцэрыя, знаходзіўся кафэтэрый і булачная. За ім абутковая крама з італьянскім абуткам. З тых крам засталіся толькі «Прырода» і наша кветкавая. У горадзе на той момант было ўсяго дзевяць кветкавых крам. Мама нават нейкі час працавала ў нашай. Там было так прыгожа, што не перадаць. Сапраўдны музей кветак.
Пасярод крамы стаяў велізарны басейн, у якім плавалі чырвона-залатыя рыбкі.
Але памятаю, прасілі ў мамы грошы, каб пайсці і пакарміць рыбак у «Прыродзе», — расказвала жанчына.
Чытайце таксама:
У Мінску закрыўся гатэль, пабудаваны да хакейнага чэмпіянату свету 2014 года
Часова зачыніўся папулярны мінскі клуб
Пакой Тэслы і мэбля Гулівера. У Мінску адкрылі гіганцкі музей займальнай навукі ФОТЫ
