Пад Маладзечнам не будзе сховішча фекальных адкідаў. Здаецца, людзі адстаялі сваё

Месца пад Красным, дзе магло быць сховішча. Фота Kraj.by

Сажалку-назапашвальнік «ападкаў гаспадарча-фекальных сцёкавых вод», якія хацелі прывозіць са сталіцы, збіраліся будаваць каля вёскі Краснае Маладзечанскага раёна, нагадвае kraj.by.

Людзі пратэставалі супраць будаўніцтва сажалкі-назапашвальніка і сабралі каля тысячы подпісаў.

Абмеркаванні па пытанні будаўніцтва сажалкі-назапашвальніка ападкаў гаспадарча-фекальных сцёкавых вод прайшлі 30 сакавіка ў Красненскім доме культуры. Сустрэча прайшла эмацыйна, а 7 красавіка жыхары Краснага даслалі Kraj.by дакумент. Мяркуючы па змесце якога, будаўніцтва сажалкі-назапашвальніка пад Маладзечнам не будзе.

Рашэнне падпісанае намеснікам старшыні Маладзечанскага райвыканкама Сяргеем Боханам і вынесенае на падставе «агульнага негатыўнага ўспрымання грамадскасцю аб будаўніцтве аб'екта».

«Нам застанецца толькі прадаць дом і зʼехаць адсюль». Адкіды сталічнай каналізацыі сабраліся вазіць пад Маладзечна. Мясцовыя супраць

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

11

0

1

1

0

0