Знайсці
27.03.2023 / 18:291РусŁacБел

Украіна, Польшча і краіны Балтыі звярнуліся да МАК з заклікам не даваць палёгкі расійскім і беларускім спартсменам

Заява прадстаўнікоў Украіны, Польшчы, Літвы, Латвіі і Эстоніі, скіраваная да Міжнароднага алімпійскага камітэта, з'явілася 27 сакавіка на старонцы Міністэрства замежных спраў Украіны.

Прэзідэнт Міжнароднага алімпійскага камітэта Томас Бах

«Мы прынялі да ведама занепакоенасць, выказаную спецыяльнымі дакладчыкамі ААН адносна недыскрымінацыі выключна па нацыянальнасці спартоўцаў. Мы шкадуем, што МАК выкарыстаў гэтыя асцярогі як нагоду радыкальна змяніць сваю папярэднюю аргументаваную пазіцыю аб рэкамендацыі не дапускаць расійскіх і беларускіх спартоўцаў і афіцыйных асоб да ўдзелу ў міжнародных спартыўных мерапрыемствах», — пішуць прадстаўнікі пяці краін.

«Мы хочам падкрэсліць, што не нацыянальнасць спартоўцаў вызначае іх ролю, а тое, што іх спансуюць/падтрымліваюць іх урады ці кампаніі, якія падтрымліваюць крамлёўскі рэжым, які працягвае сваю агрэсіўную вайну супраць Украіны, ці нават тое, што яны непасрэдна расійскія вайскоўцы, — падкрэсліваюць аўтары звароту.

— Мы глыбока перакананыя, што цяпер не час разглядаць пытанне аб вяртанні расійскіх і беларускіх спартоўцаў на Алімпійскія гульні ў любой якасці.

Нягледзячы на тое, што МАК яшчэ не прыняў ніякіх канчатковых рашэнняў, мы настойліва заклікаем яго перагледзець свае планы і вярнуцца да першапачатковай, праверанай пазіцыі, якую падтрымлівае міжнародная супольнасць».

У той жа час прэзідэнт МАК Томас Бах сёння заявіў, што, маўляў, Алімпійскія гульні «не могуць быць арбітрамі ў глабальных палітычных спрэчках». Таксама ён дадаў, што Алімпійскія гульні павінны трымацца як мага далей ад палітыкі, таму што, маўляў, у адваротным выпадку яны страцяць сваю аб'яднальную сілу.

Раней МАК апублікаваў заяву, у якой заклікаў дазволіць асобным расійскім і беларускім спартсменам, якія не падтрымліваюць вайну ва Украіне, удзельнічаць у спартыўных спаборніцтвах пад нейтральным сцягам.

Чытайце таксама:

Кіраўнік МАК зноў выступіў за допуск атлетаў з Беларусі і Расіі

«Абставіны не дазваляюць прыняць іншае рашэнне». Германія адмовілася прымаць спаборніцтвы з-за допуску да іх расіянак і беларусак

Лукашэнка хоча, каб беларускіх алімпійцаў дапусцілі пад нейтральным сцягам

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Мастер спорта/адказаць/
27.03.2023
Из более чем 70 медалей, которые спортсмены из рф завоевали на последней олимпиаде, порядка 60 входят в структуры министерства обороны, фсб, мвд или росгвардии, имеют звания, являются членами динамо (мвд) или цска/ска (министерство обороны), носят z символику и тд. Вот и делайте выводы, что якобы спорт вне политики. А те 10%, которые якобы не связаны (например Овечкин и тд) - скрыто или открыто топят за Путина его имперские идеи. Думаю аналогичная ситуация и в Беларуси. Всех неугодных спортсменов уже убрали из сборной, посадили или выдворили из страны - там остались одни лишь ябатьки, которые ездят на лукашицкие пробеги, ходят на «инаугурации», внс и другой лукашицкий околополитический фетиш.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера