Зяленскі патлумачыў, чаму Украіна пакуль не можа пачаць контрнаступ
Узброеным сілам патрэбная дадатковая зброя.
Уладзімір Зяленскі. Фота Офіса прэзідэнта Украіны
Узброеныя сілы Украіны пакуль не могуць пачаць контрнаступ, які быў запланаваны на вясну 2023 года. Неабходная дадатковая падтрымка зброяй — патрэбныя боепрыпасы і знішчальнікі, заявіў прэзідэнт Украіны Уладзімір Зяленскі ў інтэрв'ю Yomiuri.
«Мы яшчэ не можам пачаць. Мы не можам іх адправіць», — заявіў кіраўнік дзяржавы.
Ён прызнаў, што сітуацыя на ўсходзе Украіны дрэнная, у асноўным праз недахоп боепрыпасаў.
«Чакаем боепрыпасы ад нашых партнёраў», — адзначыў Зяленскі.
З яго слоў, расійскія вайскоўцы штодня выкарыстоўваюць утрая больш боепрыпасаў, чым УСУ.
Чытайце таксама:
ЗША хуткімі тэмпамі рыхтуюць Украіну да вясновага контрнаступлення
Сырскі: Абарона Бахмута працягваецца, ідуць інтэнсіўныя баі
З састарэлай тактыкай нічога не будзе. Расійскі эксперт назваў прычыны паражэнняў сваёй арміі
