Знайсці
24.03.2023 / 16:49РусŁacБел

У Чачэрску выставілі на таргі графскую сядзібу

На пляцоўцы Беларускай універсальнай таварнай біржы 27 красавіка пройдуць таргі па продажы сядзібы графа Чарнышова-Круглікава, пабудаванай у Чачэрску. Пачатковая цана гэтага аб'екта нерухомасці вызначаная на ўзроўні 859 тыс. рублёў, паведамляе Office Life.

Фота: planetabelarus.by

Патэнцыйным удзельнікам таргоў біржа прапануе ўнесці задатак у памеры 171 тысячы рублёў.

Сядзіба мае статус гісторыка-культурнай каштоўнасці трэцяй катэгорыі. Нерухомасць уяўляе сабой ізаляванае памяшканне ў двухпавярховым цагляным будынку і не адносіцца да жыллёвага фонду. Будынак мае цэнтральнае ацяпленне, халоднае водазабеспячэнне, каналізацыю, электразабеспячэнне, вентыляцыю.

Вядома, што сядзіба была закладзена ў першай палове XIX стагоддзя, а канчаткова яе дабудавалі ў 1860 годзе. З 1905 года тут працавала земская школа. Потым будынак перарабілі ў стайню, а пасля вайны ў сядзібе размяшчаліся дзіцячая бібліятэка і Дом піянераў.

У 2002 годзе будынак перайшоў на баланс аддзела культуры райвыканкама, а сёння былая графская сядзіба чакае інвестара.

Чытайце таксама:

У Сенненскім раёне выставілі на продаж рэшткі маёнтка, у якім некалі працаваў Янка Купала

У Слуцку зноў выставілі на продаж гістарычны будынак былога камерцыйнага вучылішча. За чатыры месяцы ён патаннеў у пяць разоў

У Мінску восьмы раз спрабуюць прадаць маёмасць закрытага завода, цана паменшала ў пяць разоў

Стогадовы панскі дом прапануюць за 37 рублёў. Ёсць ацяпленне, вада, электрычнасць, каналізацыя, тэлефон і 2 га зямлі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера