Знайсці
23.03.2023 / 19:383РусŁacБел

Пазногці ў гэтых адценнях — вясновы must-have. Падказваем, з якім адзеннем іх спалучыць

Трэнды ў гэтым сезоне — каляровыя і… бліскучыя.

Фота: Onet.pl / Neonail

У паветры адчуваецца сапраўдная вясна! Гэта значыць — час хаваць цёплую вопратку і неяк асвяжыць свой выгляд. Акрамя афарбоўкі валасоў і набыцця рэчаў з кветкавымі прынтамі (чаму б і не?), падумайце і пра вясновы манікюр, нагадвае Onet.pl.

На сусветных подыумах сезона вясна/лета — 2023 з'явіліся пастэльныя тоны — персікавыя, светла-жоўтыя, пудынгава-ружовыя і лавандавыя. Ясна, што ўвесну найперш хочацца абнавіць гардэроб, але модныя колеры можна зрабіць часткай вобразу і больш простым чынам — напрыклад, праз манікюр у вясновых адценнях. Паглядзіце, з якімі рэчамі з шафы яго спалучыць, каб ён лёгка ўпісаўся ў ваш стыль.

Пастэльны светла-блакітны + джынсы + пінжак

Фота: Onet.pl / Neonail

Найлепшы варыянт — летуценна-блакітны. Малочны і пяшчотны, ён нагадвае бясхмарнае неба. Ідэал! Выдатна спалучаецца са светлымі джынсамі-бойфрэндамі і пінжаком. Самыя модныя ў гэтым сезоне — каляровыя жакеты оверсайз. Пастэльна-блакітны колер на пазногцях пасуе амаль любому колеру адзення. Спалучайце яго з яркай фуксіяй, шляхетным крэмавым або інтэнсіўным сінім ці зялёным. Таксама блакітны манікюр аднолькава добра глядзіцца як на кароткіх, так і на доўгіх пазногцях.

Сонечна-жоўты з травяніста-зялёным + белая футболка

Фота: Onet.pl / Neonail

Свежая трава, сцябліны першых кветак, лісце дрэў… Вясна поўная сонца і зеляніны! Гэта колеры непераможнага аптымізму і абуджэння. Раім насіць з гэтым манікюрам класічную белую футболку. Гэтае простае спалучэнне створыць ваў-эфект без асаблівых намаганняў. Хочаце дадаць штосьці яшчэ? Няхай гэта будуць каляровыя пярсцёнкі — яны ідэальна дапоўняць вобраз.

Лавандавы манікюр + пастэльны касцюм

Фота: Onet.pl / Neonail

Колер лаванды і бэзу — сапраўдны хіт. Чаму б не паспрабаваць насычаную версію фіялетавага з бліскаўкамі, што мігцяць на сонцы? Гэта выглядае і па-жаноцку, і сучасна. Манікюр добра спалучыцца з пастэльным касцюмам любога колеру. Разбурыце залішнюю элегантнасць вобразу з дапамогай зручных красовак.

Вясновы мікс + класічны трэнч

Фота: Onet.pl / Neonail

Хто сказаў, што вы павінны абраць адзін колер? Вясна — час нарэшце страціць розум і пафарбаваць кожны пазногаць у сваё адценне. Вы можаце чаргаваць матавыя лакі з глянцавымі або пафарбаваць адну руку глянцава-пастэльнымі, а другую — матавымі з бліскаўкамі. Рашаць вам! З такім смелым пазногцевым дызайнам добра будзе глядзецца класічны бэжавы трэнч.

Мятна-блакітны + спадніца металічнага колеру

Фота: Onet.pl / Neonail

Спалучэнне адценняў блакіту і мяты дае асвяжальны эфект і ідэальна падыходзіць для вясновых дзён. Гэты колер будзе выдатна глядзецца з бліскучымі тканінамі, што з'явіліся на подыумах. Надзеньце кароткую спадніцу колеру металік — вы будзеце выглядаць модна і сучасна.

Чытайце яшчэ:

Спалучэнне класікі і свавольства — трэнды ў мужчынскай модзе на вясну і лета 2023

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
дочка Максима Дизайнера/адказаць/
23.03.2023
о. у маёй начальніцы такія...

я расказвала? я расказвала
у маім дзяцінства лакаў асабліва не было. і модна было фарбаваць пазногці пад колер тухляў і сумачкі

а мне ж хацелася самавыразіцца)
я знайшла выхад. у маці была празрыстая эмаль, а ў мяне рознакаляровыя фламайстары
і я...
наносіла эмаль. потым малявала фламайстарам. потым зноў пакрывала эмаллю
гэткія рознакаляровыя пазногці. тады ніхто так не рабіў. і я нідзе гэта не бачыла. гэта я прыдумала сама. шчэ ў школе

як жа трохі здзіўлена была, калі праз 20 год гэта стала модна )
1
Максим Дизайнер/адказаць/
24.03.2023
Какая красота!Жаль с черным балохоном с базара не сочетается. Борщеваркам не пригодится;
1
дочка Максима Дизайнера/адказаць/
24.03.2023
Дизайнер, ну. когда вижу эти маникюры, думаю - вот как с таким маникюром борщ варить7
хлев растить? ой. дико извиняюсь. т.е. хлеб. хлеб растить. и на хлеб...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера