Знайсці
22.03.2023 / 12:281РусŁacБел

Юрый Мельнічак чамусьці знік з «дошкі гонару» ПВТ

Аўтограф застаўся, але імя завесілі іншым здымкам.

Чытачы dev.by заўважылі прапажу з імправізаванай дошкі (дакладней сцяны) гонару ў ПВТ, на якой сабраны фота і аўтографы ІТ-зорак. Знік партрэт венчурнага інвестара Юрыя Мельнічка пад яго пажаданнем «гадаваць бізнэс разам з ПВТ». Мельнічак падпісаў яго як заснавальнік Maps.me. Ні імя, ні назвы кампаніі цяпер не відаць — на гэтае месца перавесілі партрэт Юрыя Гурскага і Наталлі Вадзянавай.

Магчыма, прычына ў выказваннях Юрыя ў фэйсбуку ў 2020-м (але гэта не дакладна).

Было

Стала

Dev.by спытаў Юрыя Мельнічка, чаму прыбралі менавіта яго здымак і што ён у сувязі з гэтым адчувае.

— Я, праўда, не ведаю, за што, — сказаў Мельнічак. — Ну, прыбралі і прыбралі. Можа, і да лепшага, што прыбралі. Я ўдзячны ПВТ за тое, што ў іх я пабудаваў выдатную кампанію AImatter. А фота здымаюць або вешаюць, мне ўсё роўна.

Юрый Мельнічак — сузаснавальнік інвестыцыйнай кампаніі Bulba Ventures для развіцця беларускіх стартапаў. Заснавальнік картаграфічнага сэрвісу Maps.Me (прададзены Mail.ru Group у 2014) і стартапа AIMatter (прададзены Google ў 2017).

Жыве ў Цюрыху.

На думку Мельнічка, пасля падзей 2020 года ўкладваць грошы ў кампанію ў Беларусі, у якой «часам не да законаў», стала занадта рызыкоўна, а «справа PandaDoc» пагоршыла бізнэс-клімат у краіне. Гэта не перашкодзіла Bulba Ventures прыцягнуць інвестараў і пакупнікоў для сваіх партфельных кампаній — OneSoil, Wannaby, Vochi. Усе тры кампаніі пазней сышлі з Беларусі.

У лютым 2022 года сузаснавальнікі Bulba Ventures Юрый Мельнічак і Андрэй Аўсіевіч вырашылі, што будуць інвеставаць у стартапы паасобку.

Чытайце таксама:

Заснавальнік Maps.me Юрый Мельнічак рэзка адказаў на прапанову звярнуцца да Лукашэнкі

Адзін з самых вядомых стартапаў выйшаў з ПВТ і фактычна спыніў працу ў Беларусі

У праект з беларускімі каранямі Soula інвеставалі мадэлі Наталля Вадзянава і Кацярына Даманькова

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
добры вечар /адказаць
22.03.2023
Ну дык Троцкага таксама цяперашнія камунякі не шануюць. Мавр сделал своё дело - Мавр может уходіть.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера