Знайсці
26.03.2023 / 16:024РусŁacБел

Заняткі ёгай узмацняюць мужчын у ложку — даследаванне

«Гэта тычыцца не толькі тых мужчын, у каго ёсць дыягназ заўчасная эякуляцыя».

Фота: Pixabay

У навуковым часопісе Trends in Urology & Men’s Health у канцы лютага было апублікавана новае даследаванне: навукоўцы праверылі некалькі спосабаў, якімі карыстаюцца мужчыны для таго, каб іх сэкс працягваўся даўжэй. 

Аўтары даследавання з універсітэта Anglia Ruskin у Вялікабрытаніі вывучалі мужчын, якія пакутавалі ад хуткай эякуляцыі падчас сэксу. У даследаванні бралі ўдзел 3485 мужчын ад 18 да 45 гадоў, якіх правяралі на розныя віды фізічнай актыўнасці для маніторынгу працягласці сэксу.

Навукоўцы адзначаюць, што заўчасная эякуляцыя для многіх мужчын — гэта нагода для хваляванняў, асабліва калі яна здараецца рэгулярна. Такія мужчыны, як правіла, адчуваюць расчараванасць у сабе і пазбягаюць сэксуальнай блізкасці. Прычынамі такой з’явы могуць быць нізкая самаацэнка, псіхалагічныя праблемы, паніжанае лібіда і праблемы ў стасунках з партнёркамі.

«Паводле вынікаў назірання, мужчыны, якія займаюцца фізічнай актыўнасцю, у сярэднім «трымаюцца» ў ложку ад 39 секунд да 30 хвілін, неактыўныя ж мужчыны — каля 50 секунд».

«А асобная група мужчын, якая наведвала заняткі ёгі цягам 12 тыдняў, паказала, што іх «час» сэксу павялічыўся амаль на 1,5 хвіліны ў параўнанні са звычайнымі паказчыкамі. Ёсць верагоднасць, што ўмацаванне мышцаў тазавага дна таксама спрыяе павялічванню працягласці сэксу», — гаворыцца ў выніках даследавання.

Таксама згадваецца тэхніка «спыненне-сцісканне» (калі мужчыны робяць паўзу падчас сэксу і сціскаюць галоўку пеніса, каб прадухіліць эякуляцыю), якая дазволіла мужчынам пратрымацца ў сярэднім на дзве хвіліны больш, чым звычайна.

«Але ж у выніку самай лепшай методыкай для таго, каб палепшыць сэкс, даследчыкі назвалі фізічную актыўнасць. Канешне, патрэбна больш даследаванняў, каб зразумець, як спорт можа дапамагчы мужчынам, але гэта не пытанне выключна сэксу альбо тых хлопцаў, у якіх ёсць дыягназ заўчасная эякуляцыя: большасць мужчын маглі б такім чынам памяняць свой лад жыцця», — падагульняюць даследчыкі.

Нагадаем, што нядаўна навукоўцы выявілі новы сродак павышэння сэксуальнага жадання ў мужчын замест «Віягры» (у якой, дарэчы, таксама знайшлі яшчэ адзін карысны эфект для здароўя). Акрамя таго, адно з мінулых даследаванняў паказала, што ў мужчын можа развіцца алергія на ўласныя аргазмы.

Чытайце таксама:

«Сэкс — гэта галоўнае, дзеля яго ўсё і робіцца». Вядомыя беларусы расказалі, што забівае каханне

«Муж сам папаўняе калекцыю». Беларускі расказалі, як у іх ложку з’явіліся сэкс-цацкі і якія

Гасцявы шлюб і шматмужняя жонка: дзіўныя сямейныя адносіны

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
26.03.2023
Для каго гэты артыкул?? Для маскавитау яуна? Беларусы таго не робять!!! Беларусы тольки моляцца.. прыветствуть друг друга тольки -жыве Беларусь… если пенис и дастають то тольки каб зрабить святога беларуса з именем Янка.. и аддать яго у полк Калиноускага.. каб биу маскавитау🤣🤣
2
хари рама хари кришна/адказаць/
26.03.2023
почему меня муж только что назвал "хитлир белорусский"?
что я ему такого плохого сделала?
я не понимаю
0
добры вечар /адказаць/
27.03.2023
ром, гэта ты пра ябацькаў, а не беларусаў. Бо калі бачыш тое страшыдла з начосам толькі і застаецца, што маліцца.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера