Знайсці
20.03.2023 / 11:16РусŁacБел

На дзве праверкі — тры крымінальныя справы. КДК прывёў лічбы «эфектыўнасці» сваёй працы

Колькасць праверак кантралюючымі і нагляднымі органамі ў мінулым годзе скарацілася, але «без шкоды для якасці кантролю». Пра гэта паведаміў старшыня Камітэта дзяржаўнага кантролю Васіль Герасімаў на сумесным пасяджэнні Палаты прадстаўнікоў і Савета Рэспублікі, перадае БелТА.

Па словах Герасімава, у 2022 годзе ўсімі кантралюючымі органамі праведзена праверак на чвэрць менш, чым у 2021-м. Але «без шкоды для якасці кантролю». Што гэта значыць, ён не патлумачыў.

Герасімаў распавёў, што органамі КДК у 2022 годзе праведзена 454 праверкі. Гэта каля 5% ад усіх праверак, праведзеных кантралюючымі (нагляднымі) органамі краіны.

Па выніках праверак КДК за 2022 год заведзена 653 крымінальныя справы, то-бок на адну праверку прыходзіцца 1,5 «крыміналкі».

Па выніках праверак атрымана ў даход дзяржавы грашовых сродкаў і матэрыяльных каштоўнасцей на 575 млн рублёў, то-бок у сярэднім больш за мільён рублёў па выніках кожнай праверкі.

Таксама Герасімаў сказаў, што ў 2022 годзе па матэрыялах камітэта заведзена 11 крымінальных спраў, звязаных з фінансаваннем экстрэмісцкіх фарміраванняў і тэрарыстычных арганізацый, а таксама ўдзелам грамадзян Рэспублікі Беларусь ва ўзброеным канфлікце на баку Узброеных сіл Украіны.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
2
Ха-ха
1
Ого
0
Сумна
0
Абуральна
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930