Знайсці
17.03.2023 / 19:082РусŁacБел

У Літве хочуць прыпыніць прыём заяў на грамадзянства ад беларусаў і расіян

Прапанова такая зроблена ў інтарэсах нацыянальнай бяспекі, паведамляе «Дэлфі».

Спыніць прыём заяў на грамадзянства і прыняцце рашэнняў па ім ад грамадзян Беларусі і Расіі прапанавалі ў сувязі з ваеннай агрэсіяй супраць Украіны. Прапанову зарэгістравалі члены Сейма, міністр унутраных спраў Агнэ Білатайце і старшыня Камітэта Сейма па нацыянальнай бяспецы і абароне Лаўрынас Кашчунас.

Яны таксама прапануюць вызначыць выключэнні, гэта значыць, не спыняць прыём заяў і прыняцце рашэнняў у выпадках, калі асоба сама адмаўляецца ад грамадзянства Літоўскай Рэспублікі або калі асоба атрымлівае грамадзянства іншай дзяржавы.

«Грамадзяне Расіі і Беларусі, якія ўжо пражываюць у Літве з часовым або пастаянным дазволам на жыхарства, маглі б працягваць жыць у Літве, але іх заявы аб атрыманні грамадзянства не будуць прымацца, і пытанні аб іх грамадзянстве не будуць разглядацца, за выключэннем выпадкаў, калі асоба адмаўляецца ад грамадзянства Літоўскай Рэспублікі або калі набыла грамадзянства іншай дзяржавы», — кажуць ініцыятары прапановы.

Прапанаваная дата ўступлення закона ў сілу — 15 красавіка бягучага года. Тэрмін дзеяння закона — адзін год з магчымасцю прадаўжэння тэрміну дзеяння абмежавальных мер.

Чытайце таксама:

Ці можа Беларусь апынуцца за жалезнай заслонай?

Літва працягнула рэжым надзвычайнага становішча на мяжы з Беларуссю

Літоўская разведка непакоіцца, што лукашысты могуць выкарыстаць у сваіх мэтах беларускую дыяспару

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
6
коля мамонт/адказаць/
18.03.2023
правильно
0
Максим Дизайнер/адказаць/
18.03.2023
У в связи с ситуацией в сттране палают азадки
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера