Знайсці
15.03.2023 / 22:222РусŁacБел

Квенцін Таранціна напісаў сцэнарый для свайго новага фільма, які, відаць, стане апошнім

Рэжысёр Квенцін Таранціна завяршыў працу над сцэнаром новага і, верагодна, апошняга свайго фільма, паведамляе Hollywood Reporter. Сцэнарый атрымаў назву «Кінакрытык» (The Movie Critic).

Паводле папярэдняй інфармацыі, карціна прысвечана Палін Кейл — амерыканскай журналістцы, адной з найбольш уплывовых спецыялістак у галіне кінакрытыкі. Дзеянне фільма будзе разгортвацца ў Лос-Анджэлесе 1970-х гадоў.

Чакаецца, што здымкі пачнуцца ўжо восенню гэтага года.

Раней галівудскі рэжысёр заяўляў пра жыццёвыя планы зняць не больш за 10 карцін і «сысці на пенсію да таго часу, пакуль яму споўніцца 60». Калі лічыць дзве часткі баевіка «Забіць Біла» за адну працу, то цяпер на рахунку 59-гадовага Таранціна акурат дзевяць карцін.Таму, калі ён выканае сваё абяцанне, гэты фільм мае стаць для яго апошнім.

Зрэшты, пра свой намер сысці з прафесіі Таранціна заяўляў і пасля выхаду свайго дзявятага фільма «Аднойчы ў Галівудзе» ў 2019 годзе.

Квенцін Таранціна, як рэжысёр, здабыў папулярнасць і вядомасць пасля выхаду ў 1994 годзе фільма «Крымінальнае чытво». Пра паспяховасць гэтага фільма сведчыць хоць бы тое, што пры бюджэце ў 8 млн даляраў карціна прынесла 100 млн даляраў прыбытку. Таксама яго праславілі фільмы «Забіць Біла», «Бясслаўныя вырадкі», «Джанга вызвалены».

Чытайце таксама:

Таранціна назваў самы ідэальны фільм у гісторыі чалавецтва

Таранціна расказаў, што хоча зняць «суперфільм»

Таранціна заявіў, што больш не будзе здымаць кіно

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
16.03.2023
Пра Тадэвуша Касцюшку апошні фільм свой калі ласка здыміце Трэнцін.
0
Максим Дизайнер/адказаць/
17.03.2023
Омерзительную восьмерку смотрю иногда по 2 раза в день. Хорошо отрезвляет от розовых пони и окружающей хрустальной стабильности.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера