Знайсці
15.03.2023 / 11:3024РусŁacБел

Азараў расказаў пра байцоў «Байпола», якія адправіліся ва Украіну

Нядаўна стала вядома, што неназваная колькасць удзельнікаў плана «Перамога» далучылася да палка Кастуся Каліноўскага ва Украіне. У размове з «Нашай Нівай» кіраўнік «Байпол» Аляксандр Азараў выдаў некаторыя дэталі гэтай гісторыі. 

Атрад «Атам», падрыхтоўкай якога займаўся «Байпол». Фота: прэс-служба палка Каліноўскага

Беларусы працягваюць далучацца да фарміраванняў, якія ўдзельнічаюць у вайне за незалежнасць Украіны. 

Нядаўна да самага вялікага з іх — палка Кастуся Каліноўскага — далучылася чарговая група. Яе папярэднюю падрыхтоўку праводзіў «Байпол». 

«У Польшчы і Літве адбывалася спецпадрыхтоўка ўдзельнікаў плана «Перамога». У выніку тыя людзі, якія выказалі жаданне адправіцца бараніць Украіну для атрымання баявога досведу, адправіліся ў полк імя Кастуся Каліноўскага, — расказаў Аляксандр Азараў, кіраўнік аб'яднання былых сілавікоў. — 

Назва атрада — «Атам». Гэта ў гонар музыканта з Пінска Васіля Грудовіка, які быў удзельнікам плана «Перамога» і праходзіў курсы спецпадрыхтоўкі «Байпола», але, на жаль, загінуў, баронячы Украіну і Беларусь». 

Аляксандр Азараў

Дакладная колькасць ваяроў не агучваецца. 

«Але гэта было некалькі груп. Таксама працягваецца далейшая падрыхтоўка наступных груп. 

Першая група адправілася на пачатку лютага. Гэта тыя людзі, якія выказалі жаданне ехаць ва Украіну, каб шляхам абароны братняй дзяржавы ад Крамля атрымаць баявы досвед. 

У наступным яны будуць задзейнічаны ў рэалізацыі плана «Перамога» і павінны па камандзе вярнуцца назад і ўзяць удзел у вызваленні Беларусі ад лукашысцка-расійскіх захопнікаў», — кажа Азараў. 

Далучыцца менавіта да палка Кастуся Каліноўскага пажадалі самі байцы.

«Перад адпраўкай была вывучана сітуацыя ва ўсіх беларускіх падраздзяленнях. Байцы прыйшлі да высновы, што ПКК найбольш адпавядае нашым патрэбам у плане таго, што ўсе будуць разам, адным падраздзяленнем, а не будуць раскіданы хто куды. 

На гэты момант байцы «Байпола» давучваюцца ва Украіне перад адпраўкай на фронт — зноў жа, у Польшчы ці ў Літве немагчыма адладжваць навыкі валодання гранатамётамі, мінамётамі, цяжкай зброяй. Гэта ўсё магчыма толькі на палігонах ва Украіне. На перадавой пакуль што нікога няма. 

Сярод ваяроў атрада «Атам» — і айцішнікі, і звычайныя будаўнікі.

«Усе яны — актывісты-беларусы, якія бралі актыўны ўдзел у пратэстах 2020-га і зазналі пераслед, а некаторыя і здзекі з боку рэпрэсіўных органаў лукашызму. Людзі поўныя жадання адпомсціць катам беларускага народа і акупантам», — кажа Азараў.

Раней «Байпол» расказваў пра стварэнне харугваў за мяжой. Іх удзельнікі займаюцца спортам, стралковай падрыхтоўкай, адзінаборствамі і «іншымі спецыяльнымі прадметамі» пад кіраўніцтвам інструктараў. Аднак не ўсе, хто пайшоў у харугвы, гатовы ехаць ва Украіну.

«Для гэтага, натуральна, трэба адмовіцца ад ранейшай работы, ладу жыцця. І стаць салдатам, сяржантам, падпісаць кантракт з УСУ. Мы адпраўляем толькі тых, хто сам гэтага хоча і матываваны», — сказаў Азараў. 

Чытайце таксама:

«Да таго, чым займаўся ў мірным жыцці, у мяне цяпер антыпатыя». Баец палка Каліноўскага расказаў, што адбываецца ў Бахмуце і апісаў тактыку расійскага войска

«Ракета, якой можна збіваць дроны, даражэйшая за сам беспілотнік». Аэраразведчык Палка Каліноўскага расказаў, як яны выяўляць месцы дыслакацыі ворага

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
таки вот/адказаць/
16.03.2023
В Украине воюет на стороне Украины грузинский легион. Их примерно 1000 чел. Напоминаю, население Грузии примерно 3.5 млн. Белорусы с населением больше 9-ти млн. чел. делегировали не многим под 500 чел. Вопрос: а что такое? Почему политическое самосознание грузин выше чем политическое самосознание белорусов? Мы знаем, что в одной только Польше в эмиграции под 100 000 "змагароу 20-го года". По идее тыся 20 они могли бы поставить на защиту Украины, а потом и Беларуси? Почему же массово не поехали туда? Или махать кветачками и кричать на улицах: "Милиция с народом", "Дыр-дыр-дыр, режим уходи!!" проще чем реально бороться за украинскую и белорусскую свободу?
1
Абыр/адказаць/
16.03.2023
Мойша, Ну, давайте прикинем. Гиркин в 14 году заехал в славянск на двух автомобилях, у него было около 50 человек и еще около 300 практически безоружных присоединились к нему на месте. Тем не менее шухеру он наделал мама не горюй И ДЛНР душили душили, да пока не задушили. Недооценивать тысячу опытных и мотивированных бойцов не стоит. И не стоит понимать их задачу, как какие то штурмовые действия или операцию по окружению Минска. Им нужно дождаться кризиса подобного казахскому, а он будет раньше или позже. И точечно убить либо арестовать три десятка человек. Кажется не супер сложная миссия на тысячу рыл.
1
Якія ўсе наіўныя/адказаць/
16.03.2023
Абыр, на двух джыпах, не лахмаць бабульку, там армія эрфіі зайшла, якая была напагатове, ужо пад час майдану па Анецку ва ўсю шпацыравалі ваякі з РПГ30 які тады толькі ў расеі быў
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера