Расія заваблівае мігрантаў з Цэнтральнай Азіі на працу на акупаваных тэрыторыях
Сотні гастарбайтараў нанятыя для працы на акупаваных тэрыторыях Украіны: яны капаюць траншэі, збіраюць трупы і працуюць у будаўнічым сектары ў разбураных гарадах, у прыватнасці, у Марыупалі. Пра гэта гаворыцца ў матэрыяле кыргызскай рэдакцыі «Радыё Свабода».
У разбураным Марыупалі. Фота: РІА «Новості»
Адзін з работнікаў кажа, што яму паабяцалі плаціць 120 даляраў штодня за збор целаў расійскіх салдат. Ён разумее магчымую рызыку, але кажа, што многія пагаджаюцца на такую працу, бо знаходзяцца ў безвыходным становішчы.
Жанчыны-мігранткі працуюць у вайсковых шпіталях, сталовых і на фабрыках на акупаванай тэрыторыі.
Мігрантаў наймаюць праз тэлеграм-каналы, дзе ім абяцаюць высокі заробак і бяспечныя ўмовы працы. Але героі матэрыялу кажуць, што некаторым не заплацілі абяцаных грошай, а таксама некаторых не ўпусцілі назад у Расію.
Чытайце таксама:
СМІ: Гомельскае прадпрыемства можа рабіць для Расіі «зубы дракона»
