Знайсці
04.03.2023 / 18:114РусŁacБел

У Вільні выступіў скандальны расійскі рэпер. Перад канцэртам прайшла акцыя пратэсту, не абышлося без бойкі і затрыманняў

Праз грамадскае абурэнне адна зала адмовілася даваць пляцоўку Маргенштэрну, які раней выказваў сваё захапленне Пуціным і якога ў Расіі цяпер лічаць інаагентам. Але канцэрт усё ж адбыўся.

3 сакавіка ў віленскай Pramogu Arena адбыўся канцэрт расійскага рэпера Маргенштэрна. Ён уключаны ў спіс непажаданых асоб ва Украіне, а раней усхваляў Уладзіміра Пуціна ў шматлікіх інтэрв'ю.

Маргенштэрн. Фота: wikimedia.org.

Спачатку мерапрыемства павінна было прайсці ў іншай зале, але пад ціскам грамадскасці яго перанеслі. Раней кіраўніцтва Compensa Arena заяўляла, што расіянін «публічна выступае супраць вайны і публічна высмейвае прарасійскія песні, а таксама станоўча ўспрымаецца ўкраінскімі СМІ». 

Таксама арганізатары апраўдваліся тым, што Маргенштэрн за сваю пазіцыю наконт вайны быў унесены ў «рэестр замежных агентаў» у Расіі і афіцыйна прызнаны ворагам дзяржавы. 

У выніку канцэрт усё ж адбыўся, але на іншай арэне, а перад яго пачаткам прайшлі акцыі пратэсту. Як піша «Новая газета. Еўропа», каля арэны былі сутычкі: людзі лаяліся, паказвалі непрыстойныя жэсты, таксама дэманстравалі забаронены ў Літве сімвал расійскай агрэсіі — літару Z.

У паліцыі пасля паведамілі, што 19-гадовы маладзён пабіў двух жанчын. Яго затрымалі, а інфармацыя пра выкарыстанне забароненых сімвалаў правяраецца.

На скандал адрэагаваў міністр культуры Літвы Сімонас Кайрыс. Ён заявіў, што адказнасць за выступленне расійскага артыста ў Вільні ляжыць на арганізатарах мерапрыемства, якімі з'яўляюцца «прыватныя асобы». Ён дадаў, што не бачыць магчымасці ўключыць Маргенштэрна ў спіс непажаданых у Літве асоб.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Іароо/адказаць/
05.03.2023
[Рэд. выдалена]
2
Сучка/адказаць/
05.03.2023
Моргенштерничек, дусик-пусик, мм, обожаю! Ням-ням, такой милашечка, ам!
0
Максим Дизайнер/адказаць/
05.03.2023
Все, что нужно знать про реальную жизнь Литвы. А не то, что с трибун лапочат. Привезли русского [выдалена – Рэд.], устроили концерт, толпа литовцев купила билеты. Видимо до этого активно слушали.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера