Знайсці
03.02.2023 / 18:16РусŁacБел

Запусцілі базу даных ужываных машын

На Адзіным партале электронных паслуг цяпер можна знайсці ўсю інфармацыю не толькі пра пустуючыя ў Беларусі хаты — пачала працаваць і база ўжываных аўтамабіляў.

Называецца новая паслуга «Прадастаўленне звестак з электроннага пашпарта транспартнага сродку». Атрымаць звесткі могуць як дзяржаўныя органы і юрыдычныя асобы, так і індывідуальныя прадпрымальнікі ды фізічныя асобы.

Ад цяпер любы ахвотны можа высветліць (увёўшы VIN-нумар аўтамабіля) не толькі год вытворчасці ці адценне колеру, але таксама прабег машыны, праходжанне ёй дзяржтэхагляду, ці не лічыцца машына ў вышуку і ці не закладзеная ў банку. Кошт гэтай паслугі невялікі — усяго толькі 84 капейкі.

Нагадаем, што з 22 студзеня ў Беларусі змяніліся правілы куплі-продажу патрыманых машын. Галоўная мэта ўнясення змен — пазбавіцца ад перакупшчыкаў, так як па новых правілах са здзелак знікнуць рахунак-даведкі і забаронена разлічвацца наяўнымі пры здзелцы з юрыдычнай асобай.

База, запушчаная і даступная ўсім, як мяркуецца, не дазволіць несумленным прадаўцам уводзіць пакупнікоў у зман.

Чытайце таксама:

Хутка купляць і прадаваць аўтамабілі трэба будзе па новых правілах. Што зменіцца?

Стварылі Адзіны рэестр пустуючых дамоў, у ім можна нагледзець нешта для сябе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера