Знайсці
03.02.2023 / 11:5410РусŁacБел

Новым рэктарам ЕГУ зноў стаў не беларус

Упершыню рэктарам ВНУ стане паляк — выбітны эканаміст Кшыштаф Рыбіньскі, які раней узначальваў эканамічны ўніверсітэт у Казахстане і быў віцэ-прэзідэнтам Нацбанка Польшчы.

Фота: voxpopuli.kz

3 лютага на сустрэчы з выкладчыкамі і студэнтамі ўніверсітэта было абвешчана, што новым кіраўніком Еўрапейскага гуманітарнага ўніверсітэта (Вільня) ізноў стане чалавек не з Беларусі: на вакансію выбралі вядомага польскага эканаміста Кшыштафа Рыбіньскага.

55-гадовы Кшыштаф Рыбіньскі атрымаў ступень доктара эканамічных навук у Варшаўскай школе эканомікі, мае таксама ступень магістра камп’ютарных навук. У розны час працаваў як кансультант Сусветнага банка, дырэктар праграм Фонду Сораса ў Цэнтральнай і Усходняй Еўропе, галоўны эканаміст і кіраўнічы дырэктар камерцыйных банкаў.

Пазней Рыбіньскі перайшоў на працу ў Нацыянальны банк Польшчы, дзе заняў пасаду віцэ-прэзідэнта, а потым стаў адным з партнёраў Ernst & Young, дзе кіраваў групай эканамічнай стратэгіі.

Паляк таксама мае вопыт кіраўніцтва ўніверсітэтамі. У перыяд з 2010 па 2015 годы ён быў рэктарам варшаўскай Акадэміі фінансаў і бізнэсу «Вістула», а з 2015 па 2018-ы — рэктарам Новага эканамічнага ўніверсітэта імя Т. Рыскулава ў Казахстане.

Падчас працы ў Казахстане Рыбіньскі адзначыўся ўпартай барацьбой з карупцыяй у давераным яму ўніверсітэце. Паляк змагаўся з перадачай выкладчыкам грошай за павышэнне адзнак і магчымасцю атрымаць экзаменацыйныя паперы загадзя, а таксама распрацаваў сістэму калектыўнага пакарання хабарнікаў. Калі выкладчыка лавілі на атрыманні грошай ад студэнта, звальнялі і выключалі з універсітэта не толькі іх, але і іх наўпроставага кіраўніка. З моманту ўвядзення такога правіла, паводле Рыбіньскага, не было зафіксавана ні аднаго выпадку хабарніцтва ва ўніверсітэце.

«Нельга выгнаць Беларусь з ЕГУ». Што кажуць былыя выпускнікі Еўрапейскага гуманітарнага ўніверсітэта пра сваё навучанне там

Сакрэтныя выбары рэктара ў ЕГУ: што пра іх вядома

У Вільні прэзентавалі адукацыйны праект «Васьміног»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
даведка/адказаць/
04.02.2023
Если человек такой добрый специалист, то чего же он скитается по Казахстанам и Литвам...
04.02.2023
В Беларуси вообще ректоры назначаются через личные связи и потом творят произвол. Витебский институт развития образования тому подтверждение.
1
Стадо без вожака/адказаць/
05.02.2023
Дуся,вы правы.Где белорусы там вечная склока и воровство.Не дай Бог после свержения режима Лукашенко страна вернётся к парламентской форме правления.Может всё таки  найдётся НАЦОНАЛЬНЫЙ лидер. Среди сидельцев и прочих беглых что то не наблюдается.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера