Знайсці
03.02.2023 / 09:51РусŁacБел

У Брэсцкай вобласці спагналі 750 тысяч рублёў з выпускнікоў, якія не даехалі па размеркаванні

У Брэсцкай вобласці па ісках пракурораў у 2022 годзе спагналі больш за Br756 тысяч з выпускнікоў вышэйшых і сярэдніх спецыяльных устаноў адукацыі, якія не адпрацавалі належны тэрмін па размеркаванні, перадае БелТА.

«Выпускнікі-бюджэтнікі, не жадаючы працаваць на прапанаваным месцы, часам не даязджалі да месца размеркавання. Або, прыступіўшы да працы, здзяйснялі прагулы без уважлівых прычын, за якія іх звальнялі. У такіх выпадках узнікаў абавязак кампенсаваць дзяржаве расходы, затрачаныя на навучанне. Выплаты могуць праводзіцца добраахвотна і ў судовым парадку, — распавялі ў пракуратуры. — Як правіла, маладыя спецыялісты адмаўляліся кампенсаваць расходы самастойна, таму пракуроры прад’яўлялі ў суд патрабаванні аб спагнанні затрачаных на навучанне грошай».

У Брэсцкай вобласці пракуроры летась прад’явілі 147 такіх пазоваў. Суды разгледзелі заявы і задаволілі патрабаванні ў поўным аб’ёме. Напрыклад, адзін з маладых спецыялістаў пасля заканчэння вучобы пачаў працаваць па размеркаванні, але праз восем месяцаў яго звольнілі за прагулы. Па іску пракурора малады чалавек вярнуў 14 тысяч рублёў, якія дзяржава выдзеліла на яго навучанне.

«На практыцы судовыя рашэнні, якія ўступілі ў сілу рэдка выконваліся ў добраахвотным парадку. Кампетэнтныя органы ініцыявалі іх прымусовае выкананне», — звярнулі ўвагу ў пракуратуры Брэсцкай вобласці.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера