Знайсці
27.01.2023 / 18:389РусŁacБел

Прадстаўнік ЗША: Расія хоча зрабіць тое ж, што з Украінай, і з Беларуссю. Але мы супраць

ЗША публічна выказаліся ў абарону суверэнітэту і незалежнасці Беларусі і выказалі занепакоенасць стаўленнем Расіі да яе як да сваёй тэрыторыі. Пра гэта заявіў пасол ЗША пры АБСЕ Майкл Карпэнтэр.

Карпэнтэр адзначыў, што Расія адмаўляе ў суверэнітэце Украіне і падкрэсліў, што такое ж стаўленне ў Расіі і да Беларусі.

«Хоць мы не часта гаворым пра гэта тут, абсалютна тое ж самае яна спрабуе зрабіць і з Беларуссю. Прэзідэнт Пуцін ясна даў зразумець, што ён разглядае абодва народы проста як рэгіёны, «якія належаць» Расіі», — заявіў прадстаўнік ЗША.

Карпэнтэр нагадаў артыкул Уладзіміра Пуціна, у якім той «адмаўляе, што гэтыя нацыі маюць розныя, адрозныя ад рускай, гісторыі, культуры, мовы і ідэнтычнасці».

«Гэта таксама тлумачыць, чаму Масква займаецца выцясненнем мясцовых беларускіх журналістаў і заменай іх на расійскіх прапагандыстаў. Той факт, што рэжым Лукашэнкі супрацоўнічае з Расіяй, не мяняе таго факту, што Крэмль дзейнічае падобным чынам. У абедзвюх краінах Расія выкарыстоўвае падобныя інструменты — хоць часам і трохі розныя — для зацвярджэння свайго панавання», — мяркуе Карпэнтэр.

У той жа час ЗША не згодныя з такой пазіцыяй Расіі, і не толькі па Украіне. Таксама яны падтрымліваюць суверэнітэт і незалежнасць Беларусі, «якая мае слаўную гісторыю і ўласную багатую культуру», — заявіў Карпэнтэр.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Сумасшедший /адказаць/
27.01.2023
лукашенко тоже, всюду, талдычит о едином русском народе. С его точки зрения белорус - русский со знаком качества, значит в нём и русский фашизм лучше и русского нацизма поболе, и имперец ещё больший, чем русские без знака качества. Скажете сумашествие, ан нет, всё так и есть, особенно если посмотреть на то, как лукашенко уничтожает остатки белорусского, а после 2020 года и самих белорусов, требуя от них стать ябатьками со знаком качества, русских со знаком качества ему уже мало, ябатинг - следующая фаза развития для единого русского народа. Проблемка только в том, что лукашенко видит только себя пастухом всех русских, как в России, так и в Украине и чтобы дождаться этого часа сохраняет остатки своей, незаконной власти в Беларуси, иначе нет шансов дождаться.
27.01.2023
Американцы молодцы! Хоть начали публично проговаривать.
3
Мікола)))/адказаць/
27.01.2023
ріллі, не дачакаецеся таварыш маёр
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера