Знайсці
10.01.2023 / 15:513РусŁacБел

Каліновец Кабанчук: Беларусам трэба рыхтавацца да горшага, але наступ з Беларусі пакуль немагчымы

Жыццё беларусаў неўзабаве можа стаць яшчэ больш неспакойным, а Лукашэнка не проста так выпрошваў у Расіі сучасныя сродкі супрацьпаветранай абароны, лічыць прадстаўнік штаба палка Каліноўскага Вадзім Кабанчук.

Вадзім Кабанчук. Скрын відэа

Кабанчук перакананы, што Беларусь будзе яшчэ больш уцягнутая ў вайну. «Пуцін прыязджаў з Лукашэнкам дакладна не пра эканамічныя стасункі размаўляць. Таму што Пуцін зараз наогул жыве не эканомікай. Ён жыве ў іншай парадыгме — гэта вайна. На жаль, яны аб’явяць мабілізацыю і канфлікт будзе эскаліравацца», — выказаўся Кабанчук у эфіры Белсата.

Паводле яго, беларусы, якія робяць выгляд, што нічога не адбываецца, што вайны няма, маюць плаціць за гэту трыяду «чарка, шкварка, іншамарка», за сацыяльны кантракт з рэжымам Лукашэнкі. «І усе мы маем сваю долю адказнасці за тую сітуацыю, якую цяпер маем».

«На жаль, беларусам трэба рыхтавацца да горшага», — мяркуе ён.

«Вайна для беларуса — самае страшнае, што можа быць у гэтым жыцці. У нас у генетычнай памяці закладзены гэты жах перад вайной. У якім яна выглядзе прыйдзе? Дай бог, каб яна нас моцна не зачапіла», — не губляе надзею Кабанчук.

Але ён не выключае і горшыя варыянты. 

«Войска змаўчала ў 2020-м годзе, а Сілы спецыяльных аперацый удзельнічалі ў падаўленні пратэстаў — і гэты бумеранг, гэта карма да іх вернецца. Пачалася вайна ва Украіне — яны разганялі акцыю «Не вайне». Значыць хлопцы, якія яе разганялі, яны, напэўна, за вайну. Ну, Лукашэнка і Пуцін дадуць ім магчымасць сябе праявіць у той ці іншай ступені».

Кабанчук мяркуе, што тымі сіламі, якія цяпер ёсць у Беларусі, наступ на Украіну немагчымы. «Магчымая правакацыя, магчыма стварэнне напружання, але наступ — не. Наступ стане магчымы, калі ў Беларусі правядуць мабілізацыю ці калі расіяне прышлюць значныя сілы. Павінна быць войска за 50 тысяч. Пакуль мы гэтага не назіраем. Калі яны пайдуць у наступ, я думаю, іх чакае разгром. Яны не прасунуцца на вялікую глыбіню. Тым больш, што ўкраінцы падрыхтаваныя цяпер значна лепей». 

Нават калі не будзе новага наступу на Кіеў з боку Беларусі, «заканчэнне гэтай вайны будзе звязана з вырашэннем пытання Лукашэнкі, беларускага пытання».

Кабанчук лічыць, што развязка будзе лагічнай і «гэты сатэліт раздзеліць лёс свайго патрона».

Пытанне вызвалення Беларусі — гэта пытанне беларусаў, гаворыць Кабанчук.

«У нас ёсць розныя шляхі, і мы гатовыя да самага радыкальнага шляху», — кажа ён.

Вызваленне палітвязняў і спыненне рэпрэсій у краіне Кабанчук звязвае таксама з перамогаю Украіны ў вайне. 

«Лукашэнка мае сёння нелаяльнае насельніцтва і часткова лаяльныя Узброеныя Сілы. У гэтых умовах ён ніколі не пойдзе на тое, каб кагосьці выпускаць, што можа прывесці да пагаршэння сацыяльна-палітычнага становішча ўнутры краіны. Яны ледзьве ў 2020—2021 гадах справіліся, каб усё задушыць.

Для мяне зразумела, што пытанне выхаду нашых палітвязняў ляжыць каля перамогі Украіны. Разам з перамогай Украіны будзе, хутчэй за усё, і перамога беларускага народа. І мы палітвязняў проста выпусцім», — гаворыць ён.

Ён кажа, што разумее, што рэсурсаў добраахвотнікаў мала ў маштабах краіны. Таму патрэбная дапамога грамадства і яго кансалідацыя.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
100
Панылы сорам
3
Ха-ха
5
Ого
5
Сумна
5
Абуральна
3
0
Олег /адказаць/
10.01.2023
[Рэд. выдалена]
4
Ситуация/адказаць/
10.01.2023
Почему до горшага,до лучшего надо готовиться.
12.01.2023
Нам выгодно, чтобы лука пошел на Украину. Поэтому этого не будет никогда. Максимум, будет москальскую технику и тп ремонтировать
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера