Рэцэпт на выхадныя. Ёркшырскія пудынгі з прыправамі і цыбуляй — добрая святочная закуска

Фота: BBC Food

Каб згатаваць ёркшырскія пудынгі з травамі, вам спатрэбіцца:

• 150 грамаў мукі
• 1 чайная лыжка сушанага шалфею (можна замяніць на маяран ці размарын)
• 2 узбітыя яйкі
• 275 грамаў малака (не бярыце абястлушчанага)
• 1 сталовая лыжка свінога туку (можна замяніць на масла)
• 1 вялікая цыбуліна, парэзаная на колцы
• соль

1. Разагрэйце духоўку да 220 градусаў.
2. Прасейце муку ў міску, дадайце дробку солі і шалфей ці іншую спецыю. Зрабіце паглыбленне ў сярэдзіне горкі і дадайце яйкі. Пачніце ўзбіваць яйкі, паступова змешваючы іх з мукой, потым паступова ўліце малако. Іншы варыянт: змяшайце ўсе інгрэдыенты ў кухонным камбайне. Пакіньце цеста на гадзіну.
3. Раскладзіце тлушч па 12-ці формах для кексаў. Пастаўце ў духоўку і трымайце там формы, пакуль яны не нагрэюцца.
4. Наліце ваду ў невялікую каструлю і давядзіце яе да кіпення. Дадайце дробку солі і цыбулю, варыце тры хвіліны, потым зліце ваду.
5. Раскладзіце цыбулю ў формы і выліце на яе цеста — яго павінна быць роўна з краямі формаў. Выпякайце на працягу 20 хвілін ці пакуль пудынгі не паднімуцца і не стануць залацістымі. Падавайце гарачымі.

Чытайце таксама:

Думаеце, што ўмееце чысціць яйкі правільна? Вось некалькі лайфхакаў, як спрасціць гэты працэс

Тарт з кукурузнымі шматкамі — арыгінальнае выкарыстанне звыклага прадукту

Рэцэпт на выхадныя. Лімонныя кексы — простыя, прыгожыя, смачныя

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ