Еўракамісія прапанавала караць за абыходжанне санкцый турэмнымі тэрмінамі
Еўракамісія апублікавала праект дырэктывы з прапановай увесці крымінальную адказнасць за абыходжанне санкцый. У прыватнасці, фізічным асобам гэта можа каштаваць пазбаўлення волі тэрмінам на 5 гадоў, а для юрыдычных асоб прапануецца штраф у памеры 5 % ад гадавога абароту.
У дакуменце гаворыцца, што новая мера ўскладніць выкарыстанне розных юрысдыкцый унутры ЕС для ігнаравання санкцый.
«Выяўленая складанасць устанаўлення актываў алігархаў, якія хаваюць іх у розных юрысдыкцыя шляхам стварэння юрыдычных і фінансавых структур. Прапанаваная дырэктыва вызначае агульны стандарт пакарання ў Еўрасаюзе. Гэта ліквідуе юрыдычныя шчыліны і павысіць фактар стрымлівання ў дачыненні да парушэння санкцый ЕС», — гаворыцца ў праекце дырэктывы.
Перад гэтым, 28 лістапада, Рада Еўрасаюза зацвердзіла рашэнне ўключыць абыходжанне або парушэнне еўрапейскіх санкцый у спіс крымінальных злачынстваў у ЕС.
