Знайсці
23.10.2022 / 11:00РусŁacБел

СБУ паведаміла, у чым падазраецца Герой Украіны Багуслаеў

Ганаровага прэзідэнта кампаніі «Матор Січ», былога дэпутата Вярхоўнай Рады Украіны Вячаслава Багуслаева падазраюць у незаконных пастаўках тавараў ваеннага прызначэння для расійскай штурмавой авіяцыі, паведаміла прэс-служба СБУ.

Падчас затрымання Вячаслава Багуслаева

Служба бяспекі Украіны пацвердзіла затрыманне прэзідэнта акцыянернага таварыства «Матор Січ», а таксама начальніка Дэпартамента знешне-эканамічнай дзейнасці гэтага прадпрыемства: абодвум выстаўлена абвінавачанне ў калабарацыі і дапамозе дзяржаве-агрэсару.

Паводле матэрыялаў следства, гэтыя чыноўнікі дзейнічалі ў змове з набліжанымі да Крамля прадстаўнікамі расійскай карпарацыі «Растэх», якая з'яўляецца адным з галоўных вытворцаў узбраенняў для Узброеных сілаў Расіі.

Зламыснікі наладзілі транснацыянальныя каналы незаконнай пастаўкі аптовых партый украінскіх авіярухавікоў у Расію. Атрыманую прадукцыю акупанты выкарыстоўвалі для вытворчасці і рамонту расійскіх ударных верталётаў наступных тыпаў:

  • Мі-8АМТШ-ВН «Сапсан»;
  • КА-52 «Алігатар»;
  • Мі-28Н «Начны паляўнічы».

Устаноўлена, што адпаведныя ўзоры армейскай авіяцыі захопнікі масава ўжывалі для поўнамаштабнага ўварвання ва Украіну. Гэта пацверджана шматлікімі фактамі знішчэння гэтых варожых баявых верталётаў украінскімі вайскоўцамі, адзначае СБУ.

Для абыходу ўстаноўленых абмежаванняў на гандаль з Расіяй арганізатары схемы выкарыстоўвалі падкантрольныя камерцыйныя структуры ў трох краінах Блізкага Усходу, Еўропы і Усходняй Азіі. Менавіта гэтыя кампаніі адпраўлялі «замову» ўкраінскаму вытворцу нібыта для патрэб замежнага боку. Аднак пасля атрымання вайсковай прадукцыі «пасярэднікі» перапраўлялі яе ў Расію. Таксама расіяне выкарыстоўвалі сваіх замежных саўдзельнікаў для рамонту і абслугоўвання ўласнай авіятэхнікі з выкарыстаннем украінскіх запчастак.

Адзначаецца, што ў ходзе расследавання супрацоўнікі Службы бяспекі вызначылі ўсіх арганізатараў здзелак, задакументавалі іх злачынныя дзеянні і праводзяць комплексныя мерапрыемствы для прыцягнення вінаватых да адказнасці.

Чытайце таксама:

Ва Украіне СБУ затрымала Героя Украіны, аднаго з найбагацейшых людзей краіны

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
33
Панылы сорам
5
Ха-ха
1
Ого
8
Сумна
0
Абуральна
14
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031