Лядовую пляцоўку ў Астраўцы хочуць дабудаваць да 2023 года
Крытую лядовую пляцоўку ў Астраўцы збіраюцца дабудаваць да 2023 года. Пра гэта паведаміў міністр фінансаў Беларусі Юрый Селіверстаў падчас працоўнай паездкі на БелАЭС у рамках адзінага дня інфармавання.
Фота: ostrovets.by
Раней як папярэдні тэрмін здачы аб'екта называўся лістапад 2022 года.
Паводле слоў Селіверстава, у найбліжэйшы час у Астраўцы таксама плануецца дабудаваць кінаканцэртную залу і палігон цвёрдых бытавых адходаў, а таксама выканаць работы па рэканструкцыі гарадскіх вуліц.
«Праекты робяцца ў рамках Дзяржаўнай інвестыцыйнай праграмы. Гэтыя аб'екты павінны быць завершаныя да пачатку наступнага года», — прыводзіць ягоныя словы прэс-служба Мінэнерга.
Астравецкая лядовая пляцоўка будзе ўяўляць сабой двухпавярховы будынак з катком 30х60 метраў, глядацкай трыбунай на 300 чалавек, кабінетамі для адміністрацыі, распранальнямі, душавымі, трэнажорнай залай.
і стаіць потым гэты палац пусты. і колькі каштуе яго эксплуатацыя?