Знайсці
23.11.2022 / 19:1713РусŁacБел

Як пачысціць тэлеграм-боты, каб не засталося ніякіх слядоў ВІДЭА

Нядаўна стала вядомая ўразлівасць Telegram — можна даказаць, што вы скарысталі бота, нават калі вы ўжо даўно ім не карысталіся. «Кіберпартызаны» прапануюць рашэнне гэтай праблемы.

Калі коратка, то праблема ў наступным: што б вы ні рабілі з ботам, стандартныя кліенты Telegram паказваюць, што вы ім карысталіся. Гэта стала падставай для завядзення шматлікіх справаў супраць пратэстоўцаў і людзей, якія рэгістраваліся ў плане «Перамога».

Да таго ж, боты, якімі вы некалі карысталіся, заўжды паказваюцца ў пошуку. І калі ўвесці ў пошукавы радок слова bot, то вы пабачыце ўсіх ботаў, у якія вы некалі пісалі. А ўсе выдаленыя і заблакаваныя боты можна пабачыць па шляху «Налады > Прыватнасць і бяспека > Заблакіраваныя карыстальнікі». Іх жа пабачаць і сілавікі ў выпадку затрымання.

Ілюстрацыя ўразлівасці. Бот і перапіска з ім выдаленыя, але ён бачны ў пошуку і пры выбары бота паказваецца кнопка «Restart bot».

Складанасць яшчэ і ў тым, што гэтая магчымасць яўна не апісаная ў API самога Telegram. Але «Кіберпартызаны» вынайшлі рашэнне праблемы, хоць і не ідэальнае. Каб выдаліць усіх ботаў, зрабіце наступнае (інструкцыя працуе найлепш для камп'ютарнай версіі Telegram, відэа-інструкцыя напрыканцы артыкулу):

1. Разблакуйце ў чорным спісе ўсіх ботаў.

Спіс заблакаваных карыстальнікаў мусіць выглядаць так.

2. Увядзіце слова bot у радку пошуку Telegram.

3. Абярыце бот, які трэба выдаліць назусім. У акне дыялогу з ім націсніце тры вертыкальныя кропкі і абярыце «Ачысціць гісторыю».

Трэба абраць пункт «Ачысціць гісторыю».

4. Зноў увядзіце слова bot у радку пошуку Telegram. Націсніце на той жа самы бот правай кнопкай мышы і абярыце «Выдаліць чат».

Пункт «Выдаліць чат» выглядае так.

5. Пачакайце каля сутак. Увесь гэты час не шукайце ботаў у радку пошуку! Пасля гэтага робат павінен канчаткова выдаліцца.

Ёсць нюанс: гэтага можа не адбыцца. Калі спроба правалілася, паўтарыце ўсе пункты нанова — «Кіберпартызаны» кажуць, што праз пару спробаў гэта дакладна атрымаецца.

Удакладненне для Android: калі вы выдаляеце дыялог з ботам на тэлефоне, бот з'яўляецца ў вашым чорным спісе. Разблакуйце адтуль усіх ботаў пасля выдалення. Яны знаходзяцца па шляху: «Налады > Прыватнасць і бяспека > Заблакаваныя карыстальнікі».

Заўвага для iOS: там выдаленне працуе дрэнна. Уладальнікам тэхнікі Apple лепш выдаляць ботаў праз вэб-версію Telegram (https://telegram.org/dl/webk). Але замест «Ачысціць гісторыю» адразу выбірайце «Выдаліць чат».

У далейшым не абірайце пункт «Спыніць і заблакаваць бота» (гэта стандартнае дзеянне, калі вы проста выдзяляеце бот і спрабуеце яго выдаліць). Замест гэтага дзейнічайце па прыведзенай вышэй інструкцыі.

Відэа-інструкцыя

Мы запыталіся іншых экспертаў і ініцыятывы, якія займаюцца кібербяспекай: больш надзейнай і простай інструкцыі яны не вынайшлі, а Telegram даволі доўгі час ігнаруе праблему.

«Наша Нiва» — бастыён беларушчыны

ПАДТРЫМАЦЬ

Чытайце яшчэ:

Як правільна чысціць свой акаўнт у Instagram, каб засцерагчы сябе. Падрабязны гайд

Распавядаем, як сілавікі знаходзяць стваральнікаў стыкераў у Telegram

Месенджары: якія з іх сапраўды бяспечныя і чым Viber лепшы за Telegram

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
08.09.2022
Телеграм вообще ничем не защищен, все что вы пишете доступно администраторам телеграма, маразм с приватными чатами для индивидуальных переписок зашкаливает.
Просто эта платформа стала популярна как нечто лучшее, чем обычный веб.

А проблему с приватностью телеграма пока можно решить только левым номером телефона, настройкой клиента, VPN каналом, флудом в сеть, и другим анти-DPI техниками. Плюс надо обязательно защищать само оконечное устройство, нет смысла, если у тебя его отожмут или взломают с помощью дыр доступных в софте например NSO Group.

Самый интересный мессенджер из бесплатных в плане безопасности был и остатется Signal.
А если нужна приватность, то все сильно сложнее, но как минимум опять левый номер телефона, либо форки сигнала, которые работают без номера телефона (например Session).

1
Лара /адказаць/
23.11.2022
Не знаю. лучше имхо мессенджер без номера телефона. Таким и пользуюсь
10.01.2023
123, а как же Threema?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера