Качанава заявіла, што для яе галоўнае — не падвесці Пуціна
Старшыня Савета Рэспублікі дала інтэрв'ю дзяржаўнай прапагандзе, у якой нагаварыла таго, чаго раней не гучала.
«Я шчыра лічу, што беларусам і расіянам неймаверна пашанцавала, што на чале нашых дзяржаў такія мудрыя кіраўнікі — Аляксандр Лукашэнка і Уладзімір Пуцін. Гэта выключныя палітыкі, якімі наўрад ці можна стаць, а трэба нарадзіцца, — бязмерна любяць сваю Айчыну, свой народ, цалкам і без рэшты прысвячаюць сябе служэнню дзяржаўным інтарэсам», — сказала яна.
«У сваю чаргу наш абавязак і маральны доўг як адказных асоб, грамадскіх дзеячаў і шараговых грамадзян — не падвесці беларускага і расійскіх лідараў.
Мы павінны вучыцца ў іх таму, як выбудоўваць узаемапаважлівае раўнапраўнае партнёрства і проста чалавечае сяброўства, цаніць і берагчы гэтыя адносіны, забяспечваць іх пераемнасць з пакалення ў пакаленне», — сказала Качанава.
61-гадовая Наталля Качанава ўзляцела ў вышэйшы эшалон беларускага істэблішэменту пасля таго, як у 2014 годзе яе перавялі з пасады старшыні Наваполацкага гарвыканкама ў Мінск віцэ-прэм'еркай. У 2016 годзе яе прызначылі кіраўніцай Адміністрацыі прэзідэнта. Робячы ўражанне бясконца адданай Аляксандру Лукашэнку, Качанава сфарміравала магутную сетку верных сабе кадраў у самых розных сферах, прасоўваючы людзей не толькі з Полаччыны.
У 2020 годзе менавіта Качанава была вызначальнай постаццю ў часе фатальнай прэзідэнцкай кампаніі. У 2020-м годзе Павел Якубовіч выказваўся ў духу таго, што прызначэнне Качанавай было «самай вялікай памылкай Аляксандра Лукашэнкі».
Чытайце таксама: Якубовіч: Самая вялікая памылка — прызначэнне Качанавай
Згодна са злітымі ў Сеціва матэрыяламі сацыялагічнага даследавання, праведзенага расійскімі сацыёлагамі, Качанава — самая непапулярная фігура ў атачэнні Аляксандра Лукашэнкі.
У той жа час некаторыя назіральнікі лічаць менавіта яе патэнцыйнай пераемніцай Аляксандра Лукашэнкі або чалавекам, на якога Масква можа замяніць цяперашняга кіраўніка мінскай адміністрацыі.
если вы видите время комментария, значит вы или Мад., или гэбэшник, а скорее всего два в одном
я угадала?