Знайсці
02.05.2022 / 08:36РусŁacБел

«Белкаапсаюз» працягвае вайну з Анжалікай Агурбаш — няма ні грошай, ні футраў

Як заявіў ў эфіры СТБ старшыня арганізацыі Алег Мацкевіч, суд забараніў спявачцы канцэрты з-за гісторыі з футрамі.

«Не ведаю, як яна адчувае сябе ў футрах, але адчувае сябе няўтульна пасля рашэння нашага эканамічнага суда. Там прад'яўленыя ўсялякія санкцыі да пэўнай нерухомасці, забарона на пэўныя дзеянні, у тым ліку канцэрты. Пра аплату я вам скажу: з шасці мільёнаў расійскіх рублёў яна заплаціла 90 тысяч. Таму мы будзем стаяць да канца — або вярніце футры, або заплаціце грошы. У дамове ўсё напісана», — сказаў Мацкевіч.

Эпапея цягнецца з 2018 года, калі пад Агурбаш стварылі спецыяльную калекцыю футраў «Белкаапсаюза», якія яна павінна была дапамагчы прадаць. Але пасля таго, як спявачка выказала сваю грамадзянскую пазіцыю, на яе падалі ў суд, бо футры ні прадалі, ні вярнулі назад.

«Так. Футраў няма, па меншай меры на тэрыторыі «Белкаапсаюза», — сказаў Мацкевіч.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера