У Расіі завялі крымінальную справу аб рэабілітацыі нацызму супраць гульца «Што? Дзе? Калі?» Раўшана Аскерава
Следчы камітэт Расіі распачаў супраць журналіста і гульца ў «Што? Дзе? Калі?» Раўшана Аскерава крымінальную справу аб рэабілітацыі нацызму.
Паводле версіі следства, Аскераў «не пазней за 6 красавіка 2022 года» апублікаваў у сваім фэйсбуку загадзя ілжывыя звесткі, якія абражаюць і ганяць памяць вялікага расійскага палкаводца і абаронцы Айчыны маршала Савецкага Саюза Георгія Канстанцінавіча Жукава».
«Следчы камітэт заўсёды будзе прынцыпова і жорстка рэагаваць на любыя спробы апаганіць або зняважыць светлую памяць аб абаронцах Айчыны, нягледзячы на статус і сацыяльнае становішча датычных да такіх злачынстваў асоб», — гаворыцца ў прэс-рэлізе ведамства.
Аскераў у сацсетках назваў палкаводца «марадзёрам са стажам», «забойцам у пагонах» і «зладзюжкай».
