Сакрат Яновіч: «Хто апроч Мілінкевіча — тыя дурні або дывэрсанты»
Якое ўражаньне зрабіў Мілінкевіч на беларусаў Польшчы? Гаворыць пісьменьнік Сакрат Яновіч:
Якое ўражаньне зрабіў Мілінкевіч на беларусаў Польшчы? Гаворыць пісьменьнік Сакрат Яновіч:
Уражаньне вельмі добрае. Ён першы сярод апазыцыйных палітыкаў, які ўмее думаць. Гэта ня тыя, папярэднія, сярод якіх было страшэнна многа лірыкаў, паэтаў. Палітыка патрабуе лёгікі.
Мяне й радуе, і непакоіць, што ёсьць канкурэнцыя. Скажыце тым дэмакратам, што пайшлі, апроч Мілінкевіча, што яны — дурні й дывэрсанты, бо дзейнічаюць на карысьць рэжыму. Цяпер можна гуляць толькі на Мілінкевіча. Калі пойдзе адзін Мілінкевіч, дык у яго ёсьць шанец адыграць у гісторыі Беларусі істотную ролю. Але калі ў бюлетэнях зьявяцца яшчэ пару дурняў, дык тады гэта будзе такі сабе палітычны фальклёр, курам на сьмех. Тады прайграем. У нас і так беларусаў замала, людзі кіруюцца чаркай ды скваркай. Трэба нам яшчэ недзе 20 год, каб стаць нацыяй. Гістарычных працэсаў не прысьпешыш, а замарудзіць можна. Калі прайграем — дык будзе ганьба й зноў дэпрэсія. Трэба на аднаго працаваць, ужо ня важна, горшы ён ці лепшы. Але ён ужо — адзіны магчымы.
