Дырэктар Aivitam Досаў выйшаў на волю. Ён пераслаў у асабістыя артыкул пра бізнэс
13 снежня ў тэлеграм-каналах з'явілася інфармацыя аб затрыманні дырэктара кампаніі Aivitam Дзмітрыя Досава, у выніку яму далі 15 сутак. Высветлілася, што яго адпусцілі 25 снежня пасля абеду, піша Dev.by.
Дзмітрый распавёў, што да яго дадому прыйшлі ў 9.30 10 снежня «чалавек 8 з пісталетамі і шчытамі». На яго думку, гэтага «нішто не прадвяшчала». Яму паведамілі, што на яго «паступіла заява».
Па яго словах, падчас ператрусу нічога не знайшлі, забралі тэлефон, ноўтбук і павезлі ў ГУБАЗік. «Там знайшлі адзін рэпост у асабістыя паведамленні з «Зеркала». Гэта быў артыкул пра бізнэс».
У панядзелак у 12.00 суд Цэнтральнага раёна вынес прысуд па скайпе па арт. 19.11 ч2 КААП (распаўсюджванне інфармацыйнай прадукцыі, уключанай у спіс экстрэмісцкіх матэрыялаў).
Дзмітрый Досаў — венчурны інвестар і ІТ-прадпрымальнік. Быў CEO і кафауўндэрам кампаніі Humansee Labs і заснавальнікам праекта The Heroes Media.
