Першае ў гісторыі СМС прадалі на NFT-аўкцыёне за 132 тысячы еўра
Лічбавая копія першага ў гісторыі СМС прададзеная на таргах Aguttes у Парыжы за 132 680 еўра. Лот выставіў на продаж у выглядзе NFT брытанскі сотавы аператар Vodafone.
На копіі бачны мабільны тэлефон з паведамленнем з 15 сімвалаў «Merry Christmas» — менавіта такое СМС ўпершыню адправіў праграміст Ніл Папуорт 3 снежня 1992 года дырэктару Vodafone Рычарду Джарвісу.
NFT (nonfungible token) — гэта лічбавы актыў, створаны з дапамогай тэхналогіі блакчэйну, якая гарантуе арыгінальнасць прадмета, а таксама права ўласнасці. Неўзаемазаменны токен унікальны, яго нельга аднавіць, а кошт аднаго NFT не залежыць ад кошту іншага. Цяпер у выглядзе NFT выпускаюць фатаграфіі, відэа, лічбавыя творы мастацтва, элементы гульняў, спартыўныя карткі.
Напрыклад, нядаўна комік беларускага паходжання Ідрак Мірзалізадэ прадаваў у выглядзе NFT cвой расійскі дазвол на жыхарства.
Брытанскі слоўнік Collins назваў слова 2021 года. І яно не звязанае з кавідам
Кіраўнік Twitter выставіў на таргі свой першы твіт. За яго ўжо прапануюць два мільёны даляраў
