ІАЦ: 64% беларускіх праваслаўных вераць у Бога

Інфармацыйна-аналітычны цэнтр пры Адміністрацыі прэзідэнта правёў шэраг апытанняў, датычных рэлігіі. «Наша Ніва» звяртае ўвагу на самыя цікавія лічбы.

Ілюстрацыйны здымак. Фота Сяргея Гудзіліна

Ці адносіце вы сябе да якой-небудзь рэлігійнай канфесіі?

1. Праваслаўе — 84,5%
2. Каталіцызм — 8%
3. Пратэстантызм — 1,5%
4. Іншая канфесія — 1,5
5. Ніякая — 4,5%

Але гэта намінальна атаясамліванне сябе з той ці іншай іншай інстытуцыяй. Наступнае пытанне —

Ці верыце вы ў Бога?

1. Так, я веру ў Бога — 62%
2. Не магу адказаць адназначна — 27%
3. Не, я не вернік — 8%
4. Я веру не ў Бога, а ў звышнатуральныя сілы — 2,5%
5. Іншае/няма адказу — 0,5%

Такім чынам, з тых, хто лічыць сябе праваслаўным, верыць у Бога 64% чалавек. Каталікоў, якія вераць у Бога, — 74%, а вернікаў сярод пратэстантаў — 85%.

Аднак тых, хто адносіць сябе да той ці іншай канфесіі, пастаянна прымаюць удзел у багаслужэннях 5,5% чалавек, а выконваюць абрады толькі 3%.

0

0

0

0

0

0