Цюхай адсюль
Радыё «Свабода» высветліла прозвішча чалавека, які ўчора прывёў у суд над палітвязнем студэнтаў БАТУ і ўдарыў маці Аляксандра Баразенкі.
Радыё «Свабода» высветліла прозвішча чалавека, які ўчора прывёў у суд над палітвязнем студэнтаў БАТУ і абразіў маці Аляксандра Баразенкі.
Гэта сакратар менскага камітэта Камуністычнай партыі Беларусі і
галоўны спецыяліст БРСМ Цэнтральнага раёна Менска Уладзімір Цюхай.
![]() |
Учора ён прывёў у Цэнтральны суд каля 30 студэнтаў, каб у залу паседжанняў не змаглі прайсці праваабаронцы і актывісты апазіцыі.
А сёння абразіў і ўдарыў маці падсуднага Аляксандра Баразенкі. На выхадзе з залы суда Алена Баразенка спытала ў кіраўніка групы студэнтаў, якія занялі ўся залу суда, «ці мае ён сумленне». У адказ той моцна пхнуў жанчыну ў плечы.
Ад удару пажылая жанчына ўпала на рукі мужа. Убачыўшы абурэнне людзей, кіраўнік групы студэнтаў кінуўся скардзіцца міліцыянтам, але тыя адмовіліся ўмешвацца. Тады мужчына стаў пагражаць журналістам і абазваў маці палітвязня «стварэннем».
Раней ён жа вырваў з рук карэспандэнта Алега Груздзіловіча фотаапарат і ўсяляк спрабаваў перашкодзіць працы СМІ. «Трэба забраць у яго фотаапарат і, перш за ўсё, знішчыць відэазапіс. Калі ён з’явіцца ў Інтэрнэце, будзе вялікі скандал!», ‑‑ тлумачыў выкладчык міліцыянту.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)