Дыягназ хлопца з бензапілой — шызоідны разлад асобы
Фота Сяргея Гудзіліна.
На судзе над Уладзіславам Казакевічам агучылі яго дыягназ — шызоідны разлад асобы і ўмерана дэпрэсіўны эпізод.
Яго агучыў сведка Яўген Ласы — доктар, які адзін раз кансультаваў падсуднага як пацыента «Навінак». Ён сказаў: з боку Казакевіча былі «суіцыдальныя дзеянні».
«Нібыта быў канфлікт у школе, быў момант крызісу, нібыта ён штосьці падпаліў. На жаль, усяго не памятаю, такіх кансультацыяў у мяне шмат», — сказаў Яўген Ласы.
Дыягназ, з якім Уладзіслаў Казакевіч быў у «Навінках», — умерана дэпрэсіўны эпізод і шызоідны разлад асобы. Доктар узгадаў, што пацыент два разы рабіў спробу суіцыду.
Яўген Ласы патлумачыў, што дыягназ «шызоідны разлад асобы» ўключае ў сябе «ў тым ліку схільнасць да нестандартных учынкаў, незвычайныя ідэі, фантазіі, паводзіны». Ён таксама адзначыў, што адзінота можа спрыяць развіццю гэтага захворвання і што яно на ўсё жыццё.
«Такі чалавек можа адрозніваць рэальнасць ад сваіх фантазій, але ў яго можа быць схільнасць да містыкі, сваёй выключнасці, і яго гэта можа захапіць. Тут шмат залежыць ад пэўнага чалавека», — сказаў Ласы, дадаўшы, што шызоідны разлад асобы ўплывае на здольнасьць спачуваць іншым людзям.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)